大情大勝冷味盎然

不死鸟

記得「大情大勝」季初11月第一次跑，小弟已急不及待在此介紹，無他?，老豆「貓鳥」係金拖鞋冠軍，同母兄長「幹勁活力」昔日同由姚本輝訓練，初出即贏四班1000米，所以一早對「大情大勝」抱有期望，結果呢？迄今出賽7次毫無寸進，跑來虎頭蛇尾，跟韁口太飄應有關係，依我所見  一旦將口勁轉化成力量，不相信在四班會一事無成。前次「大情大勝」角逐谷草1000米排響8檔，起步快唔過內側?「跑得叻」與「伏擊者」，入彎前驚死執輸走三疊，第二段造21秒38超快時間，於此路段實在浪費太多氣力，結果拉士400米開慢車只造23秒36，輸畀頭馬「跑得叻」個半馬位跑第七，拿同程3出3捷的「孫子奇兵」作比較，後駒第二段最快都係造21秒46，換句話說，除非「大情大勝」叻過「孫子奇兵」，否則第二段造21秒38根本很難埋到尾。上次增程跑泥地1200米，有頭威冇尾陣，卻可收練氣練力之效，呢鋪縮番落1000米，排5檔較易搶欄，同時削弱「盈驥」、「魅力寶」等快馬?機會，隨時製造冷門賽果。