薩斯索羅護級搏甩髀

猪拉多纳

歐洲主要聯賽接近尾聲，最緊要認清楚球隊目標，包括爭冠、爭升班、爭歐洲賽資格、護級。戰意成為主宰勝負最關鍵因素，前晚意甲當時包尾嘅卡坦尼亞爆冷大勝羅馬，就係最佳例子。另一支護級分子薩斯索羅今晚作客費倫天拿，有力搶分而回，受讓可以一博。

（TVB 301周三凌晨1時直播）

卡坦尼亞贏波後，令意甲護級形勢更緊湊，尾四博洛尼亞同榜末利禾奴只有四分差距，一輪賽事足以左右大局。尾三嘅薩斯索羅少博洛尼亞一分，兼踢少一場，情況並唔算差。事實上，呢支升班球隊近期發力搶分，近兩場作客更加贏晒，上仗鬥祖記亦先開紀錄，絕對唔失禮，球員現時鬥心相當強，遇上前列球隊都未驚過。
費倫天拿士氣沉

費倫天拿爭下屆歐聯入場券嘅機會已經好渺茫，加上剛於意大利盃決賽飲恨，非常打擊士氣，甚至可以話球隊今季已「提早結束」，讓波只因之前整體成績佳所致，存在高估成分。另外，英超曼聯主場對侯城，基本上屬於例行公事，大家冇心理包袱，應會踢進攻足球，尤其係紅魔鬼想主場贏波謝幕，捧大盤。日職鹿島鹿角主場對態沉嘅名古屋鯨魚，主隊讓半一，照要上盤。