黑貓搏完回氣益西布朗

猪拉多纳

英超護級基本上大局定，尾三諾域治只係數字上仍有機會留級，但如無意外下季英冠見。西布朗今輪作客新特蘭，只要攞1分就肯定上岸，應會踢守勢波，「黑貓」新特蘭護級前景亦樂觀，和波都無壞， 西布朗受讓平半，下盤有利。

（now 622周四凌晨2時45分直播）

英超護級形勢漸見明朗，現時排尾三嘅諾域治落後踢少一場嘅新特蘭同西布朗2分及3分，而且得失球差遠遠落後兩者，佢哋最大問題係剩番嗰場煞科戰主場對阿仙奴，要搶分求生機可以話係難度極高。因此，如果新特蘭同西布朗今場夾計和波各攞1分，根本等同雙贏，主隊新特蘭只要唔輸就得，冇必要太進取求勝。

事實上，新特蘭近期連接鬥曼城、車路士及曼聯等勁旅，真係踢到殘晒，既然上岸在望，隨時會回一回氣。西布朗踢法硬淨見稱，今季打和過阿仙奴、車路士及利物浦等前列球隊，若存心攞1分上岸，新特蘭好難咬得入佢哋。
曼城皇馬衝冠入球騷

另一場英超，曼城依家捧走冠軍機會高唱入雲，不過為免夜長夢多，主場必定乘勇炒阿士東維拉，要入球大。西甲皇馬爭標同樣冇得保留，作客華拉度列亦屬大炒格，要皇馬上盤及入球大。