拉魯斯快刀斬玻

猪拉多纳

聽朝繼續上演南美自由盃8強首回合，阿根廷球隊拉魯斯主場對玻利維亞球隊玻利瓦爾，眾所周知，玻利維亞球隊靠晒高原主場搵食，每逢作客就變魚腩，任由對手宰割，拉魯斯當然深明箇中道理，必定趁機盡數對手，以免次回合遇上高原氣候而陷入困境，可直取讓球主勝。

（周五早上6時45分開賽）

玩自由盃，有時要運用地理知識，來自高原國家玻利維亞嘅球隊，主場一向非常惡，玻利瓦爾就係其中之一，佢哋今屆自由盃主場4戰不敗，但作客僅1勝，仲輸過畀厄瓜多爾球隊艾美歷克，極端主強客弱特性非常明顯，今仗去到阿根廷，客W冷到11倍，絕對有道理。
次回合作客高原冇運行

呢種情況你知、我知，拉魯斯亦知，策略上一定要趁有主場之利，盡量贏多幾球，保障晉級機會，否則一旦放虎歸山，次回合去到海拔3,600幾米高原比賽，難以適應當地稀薄空氣，隨時被玻利瓦爾反咬。以拉魯斯近10次主場9勝1和強勢，炒得起玻利瓦爾。

另一場哥倫比亞球隊國民體育會主場對烏拉圭球隊迪芬沙士砵亭，雙方實力及近況接近，估計首回合上半場會以互相試探為主，建議要半場和。