漸上力主場又夠惡 三箭齊發穿心跳

猪拉多纳

歐洲主流聯賽已近尾聲，部分更提早誕生冠軍，令唔少比賽成為例行公事，球隊戰意難料，投X風險相對較高。今次將重心轉移去到亞洲，推介日職廣島三箭主場對清水心跳。近兩季冠軍廣島三箭季初演出有些少走樣，但要留意佢哋上季亦係比較慢熱，之後愈戰愈勇。三箭近期開始上力，讓得起三連敗嘅心跳半一，直取上盤。

（周六下午1時開賽）

廣島三箭保持冠軍班底，一對前鋒佐藤壽人、石原直樹屬於日職最佳進攻組合之一，今季仲有個經常入波嘅鹽谷司，只要發揮正常，其他對手好難抵擋得住。加上三箭近六次主場取得五勝，莊家開出三箭讓半一，已經向佢哋投下信心一票。清水心跳近年只能喺日職中游打滾，競爭力有限，近期狀態仲急插水，連輸三場，尤其係上仗補時扳平，但轉個頭又輸番，認真洩氣，可謂衰開有條路，一於繼續反。
德甲護級孖「堡」撐得過

另外，德甲煞科緬恩斯主場對漢堡，客隊要保住護級附加賽資格，背水一戰肯定搏命，受讓半一下盤可取。另一支護級球隊紐倫堡作客史浩克04，有得受讓亦值得捧場，畢竟史浩克04和波已可直入下屆歐聯分組賽，冇需要贏之下，讓波捧對家。西甲利雲特上仗爆冷擊敗馬德里體育會，踢出代表作，主場對住無欲無求嘅華倫西亞，仍然有得受讓，同樣要下盤。

猪拉多纳