留力爭四冠 賓菲加受讓咪中伏

猪拉多纳

葡超煞科，大部分賽事已經成為例行公事，包括重頭戲波圖主場對賓菲加，睇盤口今季聯賽盟主賓菲加受讓半一，下盤似筍爆。不過，邊有咁大隻蛤乸隨街跳，賓菲加下周中出戰歐霸盃決賽，加上之後嘅葡萄牙盃決賽，為順利做四冠王，今場收起主力休息絕對唔奇。波圖為攞尾彩，主場謝幕打真軍，上盤博得過。

（周日凌晨1時開賽）

波圖今季成績倒退，落後賓菲加16分，睇得出兩隊差距，但莊家仍然開出波圖讓半一，明顯認為佢哋會為面子而戰。相反賓菲加根本唔會將今場比賽放上心，佢哋拎咗聯賽及葡聯盃冠軍後，肯定集中火力擸埋另外兩個盃，今場受讓似係陷阱，小心中伏。