好老友戴眼罩掂

猪拉多纳

　　今次谷草賽事提供第五及第七口孖寶。

　　第五場四班1650米，「馬利多」轉戰同程後兩仗均獲第二，演出大有進步，亦反映搵出路，續配韋達擺明求補中，贏面甚大。「會心微笑」番兩個月先跑，體力必然佔優，加上試埋閘有準備，戰意鮮明。

　　第六場三班1650米，「好老友」上場初戴眼罩即變身，於同程輕鬆打開勝門，可見配件幫助大，今排二檔，守得好位競跑篤定連捷。「勝利星將」可於田草中距離連場上名，今轉戰谷草必贏級數，試埋谷閘更顯爭勝決心。

　　控制者備戰積極

　　第七場三班1200米，「控制者」贏馬一役於同程段段快開，姿態出色，埋門試完谷閘再彈細閘，工夫積極，又到起筷時候。「舞林高手」近仗演出穩定，用貝湯美戰鬥力依然強，絕對不容輕視。

　　第八場三班1200米，「勁駿皇駒」上仗初跑谷草即於同程入Q，僅不敵今季五捷馬「龍華太旨」，表現相當好，今強配韋達排一檔贏得。「四季星」剛勝出色，上班負磅驟減仲好跑，要連捷其實唔難。耀鈞