侯格辛特受讓筍爆

猪拉多纳

因為周一有快車，所以今輪8場挪超提早上演，呢啲情況用呢個聯賽嘅常理去分析球賽就搞掂，就係主強客弱。渡邊年秤晒咁多場，發現侯格辛特同利尼史特朗都係主場受讓，侯格辛特對奧特足球會，照計下盤好着數，但利尼史特朗對手係莫迪，下盤未必啱晒，但佢哋主場有一定攻力，今場揀大。

先講上季3哥侯格辛特，呢隊波多年嚟都係靠主場搵食，好似上季全季攞嘅51分，有32分喺主場取得，今季喺主場踢咗4場仲未開齋，今次對住奧特足球會必定把握機會同主場球迷交代，因為近績差，竟然有得受讓，筍到爆炸，下盤必捧，小注主W亦唔錯。
利尼史特朗大盤好路

同樣喺主場受讓嘅仲有利尼史特朗，但佢哋對手係一哥莫迪，受讓合理。睇番利軍其實近況唔錯，連盃賽已經4連勝，狀態起番好多，唔怕同莫迪鬥攻，兩軍交鋒隨時上演入球騷，捧入球大。