飛神一出誰與爭鋒

猪拉多纳

　　以往去到季尾階段，好多倉口安排新馬或自購馬初出，但係唔知點解，今季少咗好多，就好似今日十場草泥地賽事，連埋後備竟然得兩匹馬在港初出，唔尋常。

　　講番今日兩匹初出馬，佢哋係容廐「正大光明」同蔡廐「飛神」，可能兩廐在港初出馬通常成績好，隔晚齊齊有墊底飛（見表），值得留意。先講頭場「正大光明」，呢匹自購新馬同父馬初出大多有料到，當中「幸運日」同「歡笑多多」都入Q，再加上「正大光明」在港試三課閘獲一冠一季，呢鋪搵潘頓騎，隔晚得6.5倍正常，相信臨場仲會落飛，要吼。

　　另一匹係第七場「飛神」，呢匹自購馬本來喺4月6日就想在港初出，可惜因腹胶痛退出。今次搞好健康再報名，隔晚曾得1.7倍，票數瘋狂咪睇小。騎師王揀莫雷拉，得1.8倍信心十足。周仲