意甲季尾蠱惑更多掂唔過！

猪拉多纳

經過尋晚連場大戰，今晚賽事戲碼較為遜色，即使有西甲、意甲煞科，但基於爭標大局已定，缺乏睇頭。尤其係意甲，無論整體水平，以至全季爭逐程度都乏善可陳，反而要提醒大家，意甲來到季尾特別多蠱惑波，菠菜公司甚至乾脆唔開意甲盤，或者只開部分賽事，可想而知當中風險極高。

意甲所以淪落，好大程度因為太多不法分子搵食，操控球賽醜聞成日發生，低組別賽事固然嚴重，即使意甲亦唔例外，當中「電話門案」班霸祖雲達斯都牽涉其中，可見假波喺意國球壇已根深柢固，成為一個無法解決嘅死結。隨住球星紛紛離去，球隊水準下滑，意甲受關注程度愈來愈低，更加方便「有心人」做嘢操控，只會愈來愈黑暗，要盡量避開意甲賽事。
奧沙辛拿讓得辣咪搞

有得揀嘅話，應該玩其他聯賽，除咗英超之外，西甲亦係唔錯選擇，皆因水準高、競爭大，球隊好難踢默契波。今晚奧沙辛拿護級戰對貝迪斯，貝迪斯雖然已經篤定降班，但奧沙辛拿近況實在太曳，最近十二場只贏過一場，今仗讓球半過晒火位，揀下盤。
肥叔心水

貝迪斯下盤

CF格蘭納達下盤