滿貫豐采落班大利

猪拉多纳

　　頭場五班1800米，全組大部分的參賽馬跑同程有根有據，贏過的亦有六駒，當中「歡欣滿載」季內十一戰雖悉數落第，但評分也由季初首仗時的64分，下調至目前38分兼可初落五班出賽，點計都有利。此駒最近一次贏馬，便是在上季三班同程，當時初戴眼罩；今仗除去羊毛面箍重戴眼罩，部署上應屬正面，加上韋達一戰即上名夠合拍，可望重開勝門。

　　「的確好靚」本身歷來兩勝均於同程，出路狹窄，除今仗外，同班同程季內只餘下6月5日一戰，到時未必是正選，重召贏馬拍檔貝湯美必拼。「雪蹄靈驥」轉呂初出，距上仗已經五個多月，期間雖曾缺課，但踏入四月份操練全面回復正常，健康應無礙，憑體力佔優隨時殺入一席。

　　第二場四班1000米，「滿貫豐采」專攻同程，已累積一冠四亞上名成績，近仗跑三班亦兩度入Q，今次返回四班必然大利，快放馬用呂卓賢減磅有好冇壞，出閘順利可帶到。

　　「中國動力」上場於直路賽後上入Q，轉入苗後明顯有起色，今次返首本谷戰短途，並有運抽得一檔起步，換上馬房愛將田泰安，係時候交代。「一定旺」來港後只跑過田草，但連番出擊僅上名而未勝，質素未如預期般高，轉戰谷草屬明智部署；賽前試谷閘一放到底走勢強勁，場地性能不用懷疑，爭勝機會不俗。