自由式機不可失

猪拉多纳

　　今次谷草賽事提供第五及第七口孖寶。

　　第五場三班1650米，「勁駿皇駒」連續兩場於谷草1200米跑得好，共獲一亞一殿，今戰卻不報該程，竟大幅增程角逐1650米，看部署應是有心而來，事關在港同父馬「大家贏」正是同程好手，隨時有驚喜。「紅簿仔」上場同程贏得易，今仗升班負磅驟減其實仲好跑，排檔仍佳有力再下一城。

　　第六場三班1200米，「大寶藏」獨沽一味谷草1200米，上仗同程若非排外檔蝕位較多，應有三甲一席，今次轉排一檔好位續配潘頓，係交代時候。「百戰百勝」雖排12檔起步表面不利，但其實季內同程上名就是排此檔位，可見影響不大，有分頭千祈咪錯過。

　　第七場三班1800米，「自由式」來港後只於同程上名，累積冠亞季各一，同班同程屬季內最後一仗，未交代馬必然把握機會，一定砌到盡。「真慷慨」連場只接近而未勝，練者必不服氣，相隔一周又跑兼回配曾兩捷之賴維銘，值得再追。

　　第八場二班1200米，「同個夢想」上場雖大熱倒灶，但途中遇意外後仍後追強勁，足證同程威力最強，復課後韋達依然摸到實，求補中決心明顯。「威威具星」上仗跑近，狀態有復甦迹象，而評分亦大幅回落至有利水平，換上馬房愛將潘頓，必拼無疑。（耀鈞）