真慷慨有利條件多

猪拉多纳

　　第七場三班1800米，「真慷慨」剛於上周三谷草一哩入位，今匆匆再出增程跑此場地唯一贏馬之1800米，回配曾兩捷的賴維銘，又排得二檔好位起步，已集齊有利條件，可望重開勝門。

　　「勁勇威龍」大前仗入Q後，近兩仗加上頭罩反而不進則退，今次即除去應屬正面部署，來港前已跑至2000米，今增程角逐1800米必定冇問題，可亂大局。

　　另外，潘頓+方嘉柏絕對是近期谷戰最可信組合，踏入四月至今，合作21次共獲9冠2亞2季3殿，只有5次沒獎金，勝出及上名率分別有43及62%，如果唔兼顧真係隨時冇錢收。

　　今晚谷戰此對騎練共合作五駒，大部分為牌面馬，估計賠率必熱，相信只得尾場二班1200米的「威威具星」較有分頭。此駒今季8戰雖全落第，但亦因此由最高之101分降至目前89分，只較最近一次贏馬時多1分。事實上場同程排12檔亦輸近得第五，可見有起色，今仗換上潘頓必求交代。

　　「歡樂時光」現時應以同程威力最強，賽前試閘省一省擺明為今仗而來，有力偷襲。