法國進攻對辦拆大巴

猪拉多纳

法國上場熱身賽喺巴黎法國球場大勝挪威四比○，今次移師尼斯再戰，對手亦由歐洲隊換上南美洲嘅巴拉圭。法國今仗前線缺少有傷在身嘅賓施馬，不過基奧特、雷米上場表現非常對辦，要喺近年防守大不如前嘅巴拉圭身上取得入球話咁易，讓球主勝及大盤可兼投。

（now 714周一凌晨3時直播）

法國上仗熱身賽大勝挪威，除咗剛才提過嘅基奧特梅開二度及雷米有士哥，効力馬賽嘅矮腳虎華布拿亦交出助攻帽子戲法，攻勢水銀瀉地。基奧特及雷米喺球隊都屬邊緣正選，每次落場都要努力爭取表現，發揮有保證。

巴拉圭今次點兵主要以老帶新，上場熱身賽以二比一擊敗決賽周隊伍喀麥隆，新舊融合暫見成效，可惜防線輸經驗，對上八場國際賽只有一場保持清白之身，其餘七場失咗十六球，面對來勢洶洶嘅法國只可輸少當贏。