FC多倫多爭霸大反擊

猪拉多纳

作客衝擊追數焗攻

加拿大錦標賽決賽次回合，上屆冠軍蒙特利爾衝擊將於主場迎戰FC多倫多，首回合失咗一個作客入球嘅FC多倫多今場一定要爭取作客入球，料會主攻防守亦唔算強嘅蒙特利爾衝擊，而且FC多倫多星級主將迪科爾狀態大勇，今場阿king一於捧大盤！

（周四早上7時30分開賽）

加錦賽賽制，決賽採主客兩回合，兩回合打和將計作客入球優惠，未分勝負就會喺次回合法定時間後加時30分鐘，再和則互射12碼決勝負。FC多倫多喺首回合主場畀蒙特利爾衝擊逼和1比1，今場決賽次回合作客衝擊為奪冠一定要爭取作客入球，迫住要焗攻，好彩球隊上場美職臨完場連入兩粒反勝哥倫布機員3比2，成功振奮士氣，見到梅開二度嘅前線主力迪科爾狀態不俗，要攻入衝擊唔難。
串機員細急流大

蒙特利爾衝擊依家喺美職東岸排包尾，狀態好飄忽，而且防守亦唔掂，美職同加錦賽加埋一共踢咗15場，只得兩場係保持不失，今場對住主攻嘅FC多倫多更冇可能保清白身，大盤有望﹗

再講埋聽朝另外兩場美職，哥倫布機員主場對皇家鹽湖城，西岸二哥皇家鹽湖城上場畀西雅圖海灣者大炒四球，今場肯定會先加強防守，以免再失咁多粒，細盤可期。至於連續兩場大勝嘅科羅拉多急流會喺主場對芝加哥火燄，急流球員依家無論狀態定士氣均處高峰，對住防守曳嘅火燄又係入波好時機，捧大盤！