利尼史特朗打洛水狗

猪拉多纳

挪超勁旅洛辛堡近期表現跌晒Watt，球隊剛喺挪威盃第三圈加時被甲組球隊踢出局，士氣大受打擊下，今仗面對近況不錯的利尼史特朗，縱有主場之利亦未必能及時止跌，阿謙睇好作客嘅利尼史特朗可全身而退，捧讓球客勝。

（周二凌晨1時開賽）
洛辛堡盃賽不敵甲組仔

洛辛堡近況其實麻麻，球隊已連續3場聯賽未贏過，上周中挪威盃第三圈面對甲組球隊雲希姆，諗住強陣出擊可以大勝一仗重振軍心。洛辛堡一眾中前場主力如摩頓柏達臣、歷奇尼路臣、歷古歷斯基及杜比亞斯米基臣皆正選上陣，球隊上半場已領先2比0，怎知下半場卻被雲希姆連入兩球追平，加時再戰一度領先後竟再失兩球反勝為敗。洛辛堡近況持續不振，加上剛於盃賽被次級球隊淘汰出局，球隊士氣難免受到影響，今仗縱有主場之利都未必能成功止跌。

利尼史特朗近況同洛辛堡成強烈對比，球隊近8場除輸過畀榜首嘅莫迪外，其餘取得6勝1和嘅佳績，狀態明顯相當弗。利尼史特朗嘅前鋒賀爾蘭特近2仗入3球狀態甚勇，配合近兩仗聯賽皆有士哥嘅科特迪瓦前鋒莫里基科芬拿，今仗就算作客都有力在洛辛堡身上取得入球帶領球隊全身而退，阿謙今仗捧讓球客勝。