小組首名 賠率偏熱最啱玩過關

猪拉多纳

足智彩部分小組首名賠率偏熱，單注回報率不高，建議可作過關投X，8個分組之中，C組哥倫比亞賠率唔冷唔熱，不過「神鋒」法卡奧退隊影響甚大，不宜捧場，而D組則有齊意大利、烏拉圭同英格蘭3大前冠軍球隊，變數甚大亦非投X首選。反觀餘下6組強弱分明，砌條6串1過關有9倍值得一試。

6關之中以A組巴西及F組阿根廷賠率最熱，A組東道主巴西佔盡天時、地利、人和，3戰全勝機會高唱入雲。擁有球王美斯的阿根廷於F組面對波斯尼亞、尼日利亞及伊朗亦有一面倒優勢，兩軍絕對熱得有道理。

B組為西班牙、荷蘭及智利之爭，荷蘭攻強守弱，智利踢法亦和鬥牛國同出一轍，只要西班牙發揮正常應可穩佔首席。德國於G組情況和西班牙相似，表現上有C朗拿度的葡萄牙、上屆8強分子加納、甚至由奇連士文領軍的美國都有機會爭出線，但以彼此大賽經驗、板櫈深度相比，德國顯然較其餘三隊勝一籌，故此西班牙及德國亦屬穩健之選。
小組一二名過關刀仔鋸大樹

E組法國上屆表現一敗塗地，不過今屆卻獲幸運之神眷顧，同組對手瑞士、厄瓜多爾及洪都拉斯俱為三線球隊，1.76倍賠率好分。最後H組比利時人才輩出，憑個人高質亦足以拿下首名。除小組首名外，小組一二名亦可過關，揀中心水隨時有過萬倍分頭，真正刀仔鋸大樹。