愛爾蘭受讓剝牙

猪拉多纳

C朗傷愈未弗攻力大減

葡萄牙明早於中立場美國和愛爾蘭進行決賽周前最後一場熱身賽，葡萄牙王牌基斯坦奴朗拿度（C朗）雖已傷愈兼復操，但預計領隊保羅賓圖未必會冒險派佢上陣。愛爾蘭今次點兵誠意十足，而且最近兩場熱身賽先後打和兩支決賽周分子意大利及哥斯達黎加，心態唔係玩玩吓，以葡軍攻力未必咬得入對手，愛爾蘭受讓捧讓球客勝。

（周三早上7時45分開賽）

C朗對葡萄牙國家隊有幾重要相信唔使再多講，自從歐聯決賽對完馬體會後，C朗一直帶傷在身沒有正式比賽，雖然日前佢已復操，葡萄牙足總亦證實C朗有機會喺今仗披甲，但眼見同組勁敵德國嘅馬高列奧斯日前於熱身賽受傷退隊，相信保羅賓圖亦唔會貿貿然畀C朗太多上陣時間。葡萄牙近兩場熱身賽先後0比0打和希臘及小勝墨西哥1比0，唯一入波係由中堅般奴艾維斯頂入，冇咗C朗嘅葡萄牙攻力有幾疲弱，大家應心中有數。
往績旺細盤可兼投

愛爾蘭冇份參加世界盃，不過佢哋實力有番咁上下，故此成為了世盃列強備戰嘅好對手，佢哋今次點兵亦非常有誠意，一眾主力好似羅比堅尼、沙恩朗、史密斯高文、艾登麥基迪、奧沙等俱有入選，而且對上兩場比賽先後打和意大利及哥斯達黎加，表現冇揸流攤，以葡軍目前攻力想攻入佢哋唔容易，讓球客勝值得支持。另外，兩軍對上六次於國際賽碰頭有五場開細，細盤亦可兼顧。