特別玩法考你眼光 球員總入球粒粒有根據

猪拉多纳

「球員總入球」方面，即係預測指定球員喺每場比賽嘅入球數字，包括有「0」、「1」、「2」及「3+」4項選擇。聽完都冇咩頭緒？唔緊要！就好似英格蘭及阿根廷兩大公眾熱門，朗尼同美斯分別係兩軍嘅前線數胡人物，但講到揀「球員總入球」嘅話，朗尼絕對係「0」球首選，至於球王美斯就值得吼實「3+」！
朗尼做策劃吼「0」球

朗尼冇傷冇病雖然會係英格蘭前線嘅必勝正選，不過佢以往喺世盃決賽周仲未入過波，而且從熱身賽所見，為讓位畀正箭頭列基林拔及史杜列治，領隊鶴臣分分鐘要佢墮後做策劃，入波機會更少，捧「0」球係唔錯嘅選擇。

至於阿根廷球王美斯，盤扭技術有幾勁唔使多講啦，個人突破入波可謂易過借火，最重要嘅係阿根廷喺F組嘅對手戰鬥力牌面弱到爆，面對波斯尼亞、伊朗同尼日利亞佔有絕對優勢，場場都畀晒機會美斯騷哥利表演，稱得上係總入球「3+」嘅最好選擇。