希臘比利時首入突擊隊

猪拉多纳

玩「第一隊入球」唔一定要揀攻力強嘅名牌球隊，一來賠率往往乏味，二來主攻球隊，後防比較多空位，隨時更大機會先失波。因此，建議向擅長穩守突擊球隊埋手，當中以C組希臘最值得留意，佢哋出名鍾意「煲魚生粥」小勝1比0，球隊正係憑呢種策略，奪得04年歐國盃冠軍，來到世界盃，應會沿用呢套戰術。希臘分組賽對手日本、哥倫比亞、科特迪瓦防守力一般，隨時被希臘偷襲得手。

另外，H組比利時近年實力突飛猛進，中前場擁有盧卡古、夏薩特等猛將，破門能力極強，同組對手俄羅斯、南韓、阿爾及利亞勢難招架。由於比利時並非傳統勁旅，賠率仍然好分頭，趁未被唱熱之前，可以入定貨。
推介：希臘、比利時