森巴讓得多等靚位先入貨

猪拉多纳

萬眾期待嘅世界盃終於打到嚟，賭仔餓波多時，仲有好多「非常規」菠菜人士加入戰團，生意想唔好都幾難。不過，今屆喺巴西打開波時間唔算靚，依家時差較大，相信喺大中華區整體投X額會稍打折扣。

揭幕戰巴西主場對克羅地亞，大部分莊家都開幾個盤畀投X人士玩，最誇張係巴西讓到球半、兩球，亦有球半盤，同時一球、球半盤口。臨近開波時間出現奇怪情況，巴西讓一球、球半顯著回飛，不過，呢隊南美勁旅集天時及地利於一身，贏波唔成問題，呢場正路開到上盤，但讓得多過球半就博唔過，要再等靚位先入貨。