追開有條路 宜繼續捧大

猪拉多纳

尋日講過今屆世盃比賽入波特別多，玩走地大細好易等到筍盤，果然前晚四場比賽繼續上演入球騷，如果有聽肥叔嘅說話應該獲利甚豐。
莊家始調高大細中位數

今屆比賽同過往有啲分別，以前好多球隊喺首輪比賽都比較謹慎，唔贏唔緊要，最緊要係唔好輸，估唔到今屆一嚟就駁火，而且唔少比賽都出現先輸反勝嘅場面，令比賽可觀性大增，連平時唔睇開波嘅朋友，包括女士在內都投入呢個世盃熱潮，可以預期之後嘅投X氣氛會愈來愈高漲。

隨着今屆比賽咁多入波，莊家開始調高早前開得偏低嘅大細中位數，不過追開有條路，以目前情況繼續捧大有着數。今晚3場比賽，G組德國對葡萄牙擺明係鬥攻格局，捧大之餘，德國讓平半上盤亦值得入貨。同組加納對美國半斤八両，捧大好正路。最後F組尼日利亞對伊朗，尼日利亞個人質素、大賽經驗都好過伊朗，敲上盤及大盤。