尼日利亞上盤輸半博全

猪拉多纳

足智彩2.1倍客W全行最低

聽朝3點世盃有場「第三世界」大戰，由伊朗對尼日利亞。足智彩呢場波個和得2.8倍係分組賽初盤入面最熱嘅一場，但係考慮埋其他嘢嘅話，都係尼日利亞讓平半個1.88倍「上盤」抵玩啲。
主勝高過平均賠率唔睇好伊朗

伊朗雖然係亞洲強隊，仲有7個國腳响歐美搵食，不過呢班波嘅水準冇以前咁穩定，亦都冇咗好似以前戴伊嗰種標誌性人物，去到決賽周總係畀唔到人信心，足智彩開佢哋個主勝有3.75倍，仲高過平均賠率，證明唔太睇好伊朗。

咁2.8倍和波係咪代表伊朗贏唔到都和到呢？理論上係咁，但係尼日利亞2.1倍客勝幾乎係全球最低，反映足智彩始終係睇高尼日利亞，佢哋讓平半玩得過，頂多咪輸半格。個2.8倍和波，話唔埋同伊朗舊年公開自己架隱形戰機模型一樣，都係攞嚟嚇鬼嘅啫！