比利時被唱熱讓得太多

猪拉多纳

前晚世盃賽事繼續旺大盤，不過瑞士、阿根廷兩場比賽都係臨尾階段先入波，買咗大盤嘅散客結果嚇到一額汗，莊家呢兩日除咗將大細中位數調高，同時亦將大盤賠率壓低，值博率大減，而且第二輪分組賽即將展開，球隊重新部署隨時會對入球多少有影響，肥叔建議大家可以忍吓手，或者等即場有靚位先入貨。

踢埋今晚H組賽事，32支球隊便會全部出晒場，比利時被視為今屆奇兵之一，不過呢班波已經被唱熱，非洲球隊阿爾及利亞唔係想像中咁弱，比利時讓一球、球半太多，捧下盤。
巴西並非無懈可擊

同組俄羅斯對亞洲代表南韓，南韓水準回落係不爭事實，俄羅斯主帥卡比路有料到，小讓平半捧上盤。A組東道主巴西對墨西哥，巴西首仗表現唔係無懈可擊，贏波贏盤認真好彩，今次讓一球、球半，捧墨西哥下盤。