精神食糧被扣起 烏軍大跌Watt

猪拉多纳

烏拉圭上場輸波係因為冇牛奶焦糖醬食？據英國傳媒報道，烏拉圭早前到達巴西機場嗰陣，一共有33公斤嘅牛奶焦糖醬因欠缺衞生證明慘被巴西海關沒收扣查，唔通烏拉圭冇咗佢哋，所以表現差咗？

呢種醬係烏拉圭傳統美食之一，喺當地幾乎人人都鍾意食，主要用嚟搽麵包、薄餅同餅乾，可以話係球隊嘅「精神食糧」，而且喺2010年南非世界盃個陣，烏拉圭都有帶焦糖醬去，當時都順利過到海關，最後仲殺埋入4強添！不過今次烏拉圭就冇咁好彩嘞！當地巴西農業部官員就話，如果攞到該批焦糖醬嘅衞生證明文件，佢哋就即刻會發還畀烏拉圭，否則就要等踢完世界盃先可以拎番啦。