意大利唔抵玩寧博下盤

猪拉多纳

肥叔前日講過次輪分組賽展開，球隊重新部署或者會對入球數字有影響，估唔到第一場次輪比賽即刻打和0比0。賽前巴西主W都有回飛迹象，亞洲盤走地開波冇耐就有巴西讓一球盤，相信吸引咗唔少上盤客，巴西贏唔到係令人有啲意外，不過見到墨西哥嗰龍門左飛右撲，買咗上盤或者臨場追大嘅朋友損手都無話可說。

聽晚三場比賽，頭場D組意大利鬥哥斯達黎加，哥斯達黎加首仗爆冷擊敗烏拉圭已經證明唔係魚腩，意大利贏英格蘭用咗唔少體力，而且佢哋領先之後經常歎慢板，讓一球唔抵玩，寧博哥斯達黎加下盤，兼捧入球大。
瑞士法國五五波

另外兩場E組賽事，瑞士鬥法國係五五波，兩軍近年交手亦經常打和，預計今場入波唔會多，捧細盤。最後洪都拉斯鬥厄瓜多爾，洪都拉斯擺到明係死守格，上場對法國如果唔係打少個未必會大敗，厄瓜多爾係少有踢法主守嘅南美球隊，攻力唔強，呢場都係捧細盤。