啦啦隊再出招捧巴西屠隆

猪拉多纳

美斯好波！呢位阿根廷球王補時射入靚波，除咗令央視女主播熄燈，同時亦幫着燈多日嘅Anjaylia收復失地。嘉寶貼中阿根廷後追近第2位嘅Cheronna，同榜首Heidi亦只相差20分。今晚連踢4場，3位靚女1人揀1場，最容易估嗰場巴西對喀麥隆就由啦啦隊負責，若然貼中全部人有得加分，總之大家Happy！

Heidi李靜儀：上場巴西對墨西哥我有睇，墨西哥個龍門好犀利，乜波都救到，格仔兵要入波唔易。

Anjaylia陳嘉寶：西班牙王朝已經結束，希望佢哋臨別秋波，今場踢得好好睇睇，用贏波來送別吧。

啦啦隊Jessica：巴西必勝！

Cheronna吳嘉熙：其實我好支持荷蘭，但今場太多傷兵，尹佩斯仲要停賽添，所以我估今場會打和！