體重有價:（聶重）六六精英鬥好快活

不死鸟

第四場三班千二米，「六六精英」有1007磅，與上賽一模一樣，三歲質新馬體重處於低點，上仗與「祖國繁榮」鬥足半條直路僅勝，惟賽後保養工夫見成效，體重沒有變化證明該仗力拼，體能未有嚴重損耗，起碼可以搏多一場才考慮抖暑。大摩馬房近期有狀態之馬並不太多，此駒既然仍有作戰水準，且繼續用白德民壓陣，相信不會出來陪襯，加上對手未算太強勁，只要交出近仗水準，再下一城應該不成問題。

        配腳先揀「特綵」，有1078磅，比上次退出一役重了3磅，體重一向穩定之馬，近期硬仗多仍能保持，絕對係好事，小休再臨而中短途演出最耍家，有必要繼續揀選。

        「加州滿意」有1116磅，微重1磅，上落波幅不大的三歲美國馬，看來仍未到大熟期，惟季內三戰已獲兩冠一季，更重要係上仗編班初出仍能跑得好，今次扳到柏寶壓陣，戰意必堅。

        「好快活」有1087磅，比上賽輕了10磅，上仗初出身形未收走勢平常，今次已見有改善，博食大茶飯的話，可以考慮一票。