「大象」唔使搏入球細掂當

猪拉多纳

主勝過高 希臘贏波無望

C組鬥到最後一輪，除咗哥倫比亞坐定粒六出硬線，科特迪瓦、日本同希臘都仲有Chance，目前揸住3分形勢最好嘅科特迪瓦，按理今日打和希臘都可能晉到級，根本冇必要搶攻，呢場波都係1.72倍入球細抵玩。
哥倫比亞唔輸「大象」攞1分出線

坦白講，今場波唔係咁易玩，因為同時間日本對哥倫比亞嗰場，只要哥倫比亞唔放，日本仔入唔到波，科特迪瓦Keep住唔輸就掂，冇必要當希臘仇人咁砌。如果求保險，「大象兵團」大可先搏一段，希望入咗一球先，然後至縮番後等磨到完場，即使日本真係贏到哥倫比亞，除非係炒到大大鑊，否則到時出線嗰隊都仲係科特迪瓦。

當然，希臘理論上仲有權爭入16強，但係佢哋兩場波一球都入唔到，冇本錢搞事，而且大多數莊家開個主勝都高過平均賠率，反映呢支前歐國盃冠軍根本贏波無望，今場絕對係科特迪瓦控制場波話晒事，贏定和由佢哋決定，恐怕入波唔慌多。