西德「希杭之恥」促成尾輪賽事同時開波

猪拉多纳

德國踢默契波早有前科，喺82年西班牙世盃分組賽，西德當年同阿爾及利亞、奧地利、智利同組，由於阿爾及利亞嘅尾輪分組賽早一日踢，遲一日喺希杭鬥奧地利嘅西德可以睇定嚟食。西德呢場波只要砌低奧地利即可首名出線，後者唔輸多過2粒亦可憑較佳得失球力壓阿爾及利亞以次名晉級，結果西德開波9分鐘藉賀巴殊入波後，雙方就勁消極咁瘋狂猜波Hea足全場，最終西德贏奧地利1:0雙雙晉級，「夾死」阿爾及利亞。

呢場被稱為「希杭之恥」嘅默契波全球鬧爆，自此之後國際足協改例，安排所有同組嘅尾輪分組賽同一時間舉行。