紅牛鬥多倫多捱細界

猪拉多纳

亨利抖到生銹 卡希爾攰爆

有留意開《東方波經》嘅讀者，應該都記得早幾日前，本報名家渡邊年喺「東拉西扯」專欄入面，勸喻大家「唔好因為一棵樹而放棄咗成個森林」，意思係唔好剩係留意世界盃，喺冇世盃賽事嘅日子，其實仲有挪威盃同美職可以玩吓！聽朝就有一場美職直播賽事，紐約紅牛主場迎戰FC多倫多。紅牛上場喺美聯盃慘敗，吸取教訓今場必定會加強防守，科娜認為細盤捧得過。

（TVB 301周六早上8時直播）

紐約紅牛上場喺美聯盃同低組別球隊紐約宇宙上演同市打吡戰，結果紅牛收起大批主力下，爆冷畀對手大炒3蛋，認真羞家，汲取教訓，今場應該會先做好防守，然後先再伺機進攻。雖然話今場對FC多倫多一戰，紅牛主帥柏基或會派番正選球員如亨利、奧拿夫等上陣，而啱啱幫澳洲踢完世界盃嘅卡希爾今場亦有可能上陣。不過亨利、奧拿夫佢哋自從上月尾對完肯薩斯體育會後就冇再出過場，抖咗足足一個月，狀態要再慢慢操番起，至於舟車勞頓嘅老將卡希爾極其量只會做後備殺手，所以紅牛攻力唔見得有加強到。
迪科爾孤掌難鳴

至於FC多倫多冇咗正為國家出戰世盃嘅門將施薩索拉斯同中場米高巴特利，前線得番迪科爾一個，可以話係孤掌難鳴，想攻都有心無力，再加上佢哋近三次同紐約紅牛交手都開細，今場細盤有1.88倍分頭相當唔錯，一於再追！