進帳頻頻積分破百 靜儀封分組賽波神

猪拉多纳

分組賽結束，靜儀喺第二輪同第三輪分組賽頻頻有進帳，累積120分帶出，做咗「森巴Running Girl」嘅世盃分組賽波神，不過其餘兩位靚女成績都唔錯，齊齊突破100分大關，只係落後20分距離，仲有得追。今日16強展開，3位靚女要估哥倫比亞對烏拉圭嗰場，靜儀捧烏拉圭，嘉熙撐哥倫比亞，嘉寶就貼巴西。

Heidi李靜儀：烏拉圭就算冇咗哨牙蘇，其他球員都踢得唔差！

Anjaylia陳嘉寶：巴西對智利即係阿哥同細佬踢，梗係巴西贏啦！

Cheronna吳嘉熙：哥倫比亞喺分組賽入波仲多過巴西，今場一於打『烏圭』！