法國1.4倍W「尼」料

猪拉多纳

「超霸鷹」內亂形勢不妙

唔係歧視，非洲球隊好多逢親大賽都因財失義，古靈精怪嘅事特別多，今晚法國對尼日利亞係場正宗嘅「黑吃黑」大戰，事關兩邊好多球員都有非洲血統，但係生活環境、球隊管理嘅唔同，形成好大分別，基於呢一點法國W捧得過。
上場Hea踢抖到足莊家調低主勝

眾所周知，尼日利亞繼喀麥隆、加納之後，又因出場費問題幾乎鬧出罷踢，搞到要國際足協出面咁滯。雖然話單嘢解決咗，不過全隊上下面和心不和嘅情況好普遍，教頭基舒同個別球員以至傳媒嘅關係麻麻，根本班人好難專心踢波。事實基舒當年做球員嗰陣，咪又係成日咁玩啲教練，呢勻真係報應不爽嘞。

相反法國冇咗麻煩友拿斯尼，列貝利又養傷之後，成班波仲團結仲有朝氣，分組賽前兩場打真軍省咗8球，Last一場對厄瓜多爾Hea住踢先和波。今日絕大部分莊家都睇好佢哋，尋晚下調主勝嘅公司好多，足智彩因為一開盤就低到1.4倍，所以全無變動，由動態去睇法國應該贏得。