阿瑞戰揀大好過比利時難讓美國

猪拉多纳

前晚16強荷蘭對墨西哥唔止喺球場上勢均力敵，連場外投X分布都好平均，大戶各有想法，有人玩上盤，有人揀下盤，部分要大盤，細盤亦有支持者。去到最後關頭，球證判個12碼真係好關鍵，究竟呢球應唔應該判罰就各有各睇法，總之上盤客同大盤客可以笑住離場。其實論場上表現，墨西哥絕對唔失禮，輸波輸盤係有啲唔夠運，一句講晒，雖敗猶榮。

今晚將會上演最後兩場16強賽事，比利時分組賽三戰全勝表現係唔錯，不過讓到半一略嫌太多，美國今屆雖然冇咗名牌球星當路雲，不過踢落完全冇走樣，尤其團體精神一流，真正實而不華，除咗捧下盤，大盤亦可兼顧。

另一場16強賽事阿根廷對瑞士牌面上較懸殊，不過阿根廷讓波太多亦揀唔落手，捧大盤較佳。