爆炸頭隨時推前急救博5.5倍「入球」

猪拉多纳

比利時今屆鋒線表現令人失望，往往要靠中後場入波，「先發事件」建議揀選5.5倍嘅費蘭尼「入球」。呢位「爆炸頭」身材高大，頂上功夫出色，首仗對阿爾及利亞，就係靠佢頂入扳平。如果比利時今場久攻不下，好可能又要將費蘭尼推前，使用「高空轟炸」戰術，隨時又有斬獲。
「小魔獸」「被換出」可吼

另外，比利時前鋒「小魔獸」盧卡古狀態低迷，未開齋之餘，首兩仗都係踢唔夠60分鐘就被換走，估計今場入波又冇佢份，反而「先發事件」盧卡古「被換出」有2.45倍，都可以考慮。