博森巴兵開細僅熟

猪拉多纳

讓盤水位企硬唔郁

一如所料，足智彩世盃8強開咗初盤之後，巴西個水位尋日終於上調，反映外界完全唔睇好呢個東道主，但係跟大隊博哥倫比亞係咪好事呢？恐怕又未必喎，今場波都係博1.72倍入球細算嘞。
足智彩睇好巴西「咖啡」下盤唔穩陣

由雙方剛啱4場波嘅表現去睇，外號「Coffee（咖啡）」嘅哥倫比亞，遠遠Sharp過巴西，家陣所有莊家開個巴西W都熱過哥倫比亞，完全因為主場之利嘅因素，不過連日嚟外邊好多莊家已經上調主勝，足智彩到咗尋日亦將巴西W由1.63倍調升上1.66倍，哥倫比亞客W就由4.85倍降落4.7倍，和波就由3.4倍變3.35倍。但係大家要注意一點，巴西讓半一個上盤，完全冇郁企硬喺2倍，晉級隊伍巴西只係由1.3倍變1.31倍，即係話足智彩始終睇好巴西過關，可能大家都驚好似揭幕戰咁，又有另一個「西村雄一」出嚟幫巴西贏波啩。

坦白講，巴西近年4戰哥倫比亞都贏唔到，3場開0:0，1場開1:1，今日睇死佢哋亦未必要博「Coffee」贏或者下盤，入球細一樣好路。