兩大熱門讓波信唔過

猪拉多纳

今屆決賽周前唔少人都睇好比利時，因為陣中好多球星都係効力歐洲大球會，踢落佢哋表現真係好似樣，上場16強對美國基本上壓住對手嚟攻，雖然法定時間內贏唔到對手輸咗嗰上盤，但去到加時大戶依然撐比利時，結果順利贏番一「浸」，今晚佢哋對住奪標熱門之一嘅阿根廷，論整體實力及個人質素，比利時唔會差得過阿根廷好多，而且比利時有個好領隊，少帥韋莫斯帶隊有啲當年莫連奴、哥迪奧拿嘅影子，對球隊士氣、團結好有幫助。阿根廷今屆單天保至尊，美斯一沉即刻成隊波冇晒火，讓平半盤口亦唔算硬淨，揀下盤啱數。
8強場合冇高低

另一場荷蘭對哥斯達黎加表面上強弱懸殊，不過哥斯達黎加一而再、再而三製造冷門戰果，絕對唔係符碌。以雙方名氣計，正路應該荷蘭讓半一，依家竟然要讓到一球/球半真係離晒譜。哥斯達黎加有天時、地利之助，加上嚟到8強場合，讓1球都嫌多，今場梗係捧下盤。