艾夫斯堡受讓筍爆

猪拉多纳

遇私房菜佐加頓斯

今晚冇世盃比賽，阿King推介一場瑞典超佐加頓斯主場對艾夫斯堡畀大家，艾夫斯堡近10次對賽未嘗一敗，甚有格食格味道，客軍仲有得受讓可謂筍爆，讓球客勝可作過關重心。（周二凌晨1時05分開賽）

艾夫斯堡喺瑞典超名氣雖然不及希爾星堡、哥登堡等名牌，但過去8季聯賽只有一次排名跌出前4，當中更贏過兩屆錦標，實力絕對有番咁上下。未計周日晚成績，佢哋現排聯賽榜第3位，為爭標唔會手軟。佐加頓斯中堅艾馬迪轉投丹麥勁旅哥本哈根，恐對防線造成一定影響，而且佐軍對上10次面對艾夫斯堡只得2和8負，今次主場出擊都讓唔起對手，讓球主客和佐加頓斯讓一球，必捧讓球客勝，求好分頭可捧平手盤嘅艾夫斯堡坐和望贏。
串阿維達貝治大奧特Ｗ

另一場瑞典超阿維達貝治主場鬥AIK蘇納，AIK蘇納今季入得又失得，以中位數2.5球計，12場聯賽開咗10場大，對上一次交手兩軍亦合共炮製5個入球，今場一於捧大盤。最後挪超奧特足球會主場對華拉倫加，奧特足球會近三次對賽全勝，包括上周中挪威盃主場勝3比2，今次續於主場出擊有力再下一城，捧主Ｗ。