費城聯8強起革命

猪拉多纳

看守領隊有「奪冠DNA」

美聯盃8強開打，打頭陣係費城聯主場對新英倫革命，兩個老對手過去三年對碰九次，最近嗰次係上月尾，費城聯作客贏3比1，信心先贏一仗，而且費城聯看守領隊占卻田有「奪冠DNA」照住，喺佢球員時期曾兩奪美聯盃冠軍，球隊喺佢帶領之下，亦有反彈表現，今仗有主場之利看高一線，主W值捧。

（周三早上7時開賽）

如果巴西對德國要加時同射埋12碼，射完之後呢場美聯盃開波時間就啱啱好跟住，當然，兩場波關注度係蚊髀同牛髀，但從菠菜角度嚟講，呢場就好值得推介畀大家。

費城聯喺世界盃決賽周美職休戰期間，炒咗賀格禾夫，搵副手占卻田做看守領隊，佢上任先後喺兩場美聯盃贏波，跟住美職作客以3比1擊敗今仗對手新英倫革命，雖然上仗作客FC達拉斯輸波，但整體表現唔錯，現年只得35歲嘅占卻田2012年做球隊助教，依加有機會坐正揸弗，領軍功夫算係唔錯。
占卻田曾兩捧美聯盃

最重要占卻田擁有奪冠DNA，佢2001至2008効力芝加哥火燄期間，曾以後衞身份協助球隊贏得03年同06年美聯盃冠軍，打盃賽有一手，今仗對手新英倫革命啱啱錄得兩連敗，最大問題係球隊防守力曳，連續八場有失波，費城聯當然唔會放過晉級機會，由於一場過定勝負，梗係90分鐘搞掂對手最好，主W值博。