德軍中場後上有計雙投卻奧斯小豬

猪拉多纳

湯馬士梅拿雖然係德國今屆目前為止入波最多嘅球員，但佢近兩場腳風麻麻，上場對法國喺比賽末段面對龍門糟蹋咗一次黃金機會，揀「首球」不妨向德國中場球員埋手。卻奧斯具遠射腳頭，而且處理罰球亦有一手，或可成為打破悶局嘅奇招，至於「小豬」舒韋恩史迪加後上入楔頂波常有意外收穫，上次熱身賽對巴西佢亦有士哥，此兩位球員都有10倍以上分頭，值得雙投。