阿根廷讓波要唔過

猪拉多纳

今屆好多熱門球隊都贏波輸盤，證明賽事水平接近咗，讓波球隊唔抵玩。8強荷蘭鬥哥斯達黎加初盤讓到一球、球半，肥叔講明荷蘭讓得太多，最終真係要搞到互射12碼先至贏到，晉級輸盤唔益人。

今晚第二場準決賽荷蘭對阿根廷，牌面係場五五波，阿根廷讓平半，正路係讓唔到。荷蘭上場雖然打和對手輸盤，但踢落表現其實好對辦，法定時間之內係有幾個黃金機會可以搞掂對手，只係唔夠運中楣又中柱。阿根廷話就話有半個主場之利，但聖保羅市打夜波氣溫得十幾度，涼快氣溫下對決荷蘭唔會蝕底。
巴西球迷撐橙軍

巴西人同阿根廷係世仇，臨場反而會支持橙軍多啲，加上阿根廷前線冇埋迪馬利亞，令美斯壓力更大，荷蘭陣中多後生仔，踢落氣力唔輸蝕，受讓有利。