曼城照爆登地

猪拉多纳

二線兵爭上位保飯碗

英超盟主曼城展開首場季前熱身賽，作客蘇超升班球隊登地。曼城缺少阿古路、薩巴列達、高柏尼等世盃國腳，但仍有拿斯尼、尼格度，捷西斯拿華斯等猛將，加上新加盟嘅巴西中場費蘭度法蘭斯高，人腳質素遠勝對手。呢班球員正好趁其他主力未歸隊，以表現博取領隊比歷連尼歡心，力保飯碗之餘亦要爭取來季一席正選，今仗應會落力比賽，曼城讓兩球，Mic少直取讓球客勝。

（TVB 301周日晚11時直播）
登地搵名牌拍跳搵銀

曼城上星期已開操，一班冇份參加世盃嘅球員率先歸隊，除咗拿斯尼、尼格度、祖維迪、高拉洛夫、拿斯達錫、捷西斯拿華斯等人之外，仲有兩位新兵費蘭度法蘭斯高及門將韋利卡巴尼路，上季外借去西布朗嘅史葛冼佳亞亦回歸，就算冇「世盃腳」，球隊仍然人才濟濟。

由於曼城需要削赤，符合歐洲足協財政要求，主帥比歷連尼將透過熱身賽，制訂「裁員名單」，呢班二線兵想繼續留隊享受高薪，絕對唔可以偷懶，今仗應會盡數對手證明身價。

登地上季獲得蘇冠冠軍，來季重返蘇超，但蘇超水準同英超有好大距離，更何況登地只係「升降機」，實力唔可以同曼城相提並論。登地近年來陷入財困，今場請來曼城踢熱身賽，主要目的都係希望借用對方名氣，吸引球迷入場乘機搵番筆，勝負對佢哋而言只屬次要。