芝華士+1灌醉急流

猪拉多纳

今日啲波係美洲嘅天下，有智甲、墨超、阿根廷盃同美職，阿King想講吓科羅拉多急流主場對美國芝華士呢場美職，之前豪取四連勝嘅芝華士上場終於斷纜，以1比3不敵華盛頓聯隊，不過阿King今場就唔係反呢隊波，反而相信芝華士能夠反彈成功，對住近三場不勝嘅急流有望立於不敗之地，敲2.3倍嘅讓球客勝！

（周六早上9時30分開賽，馬會網上文字直播）

睇排名同實力，當然係科羅拉多急流秤先少少，不過急流依家傷兵滿營，今場前中後都有主力缺陣，包括前鋒迪桑布朗、中場荷西馬利亞同後衞沙恩奧尼爾，尤其係冇咗迪桑布朗好大鑊，呢位牙買加前鋒上場對波特蘭伐木者幫急流先開紀錄，但當佢因傷退下火線後，球隊攻力即刻削弱，搞到急流反輸1比2，可見迪桑布朗對隊波有幾重要。相反芝華士上場雖然輸波，但佢哋仍有靈魂人物艾歷托利斯在場，呢位墨西哥前鋒連續六場美職都有入波，狀態托弗，芝華士上場輸波皆因太早失波，阿King相信今場佢哋可以調整過嚟，反彈成功，受讓值捧。
紐維爾舊生炒起乙組仔

最後講埋兩場阿根廷盃，甘拿斯亞對小阿根廷人，前者有中場梅西斯離隊，實力有所削弱，捧小阿根廷人讓球客勝。至於紐維爾舊生對泰拿尼斯一仗，舊生有門將烏斯達利及前鋒伊拿斯奧史高高加盟，實力大增，今場對住乙組仔泰拿尼斯，贏兩球冇難度，捧讓球主勝！