達拉斯當弗+1除白帽

猪拉多纳

自從碧咸由皇馬加盟洛杉磯銀河後，美職就開始變成名牌老將落腳地，羅比堅尼、亨利、迪科爾等，遲啲仲陸續會有韋拿、卡卡同林柏特等名將參戰美職，甚至有傳巴塞嘅沙維都會過埋嚟，認真係星光熠熠。不過科娜今次向大家推介嘅美職賽事，溫哥華白帽主場對FC達拉斯，鍾意睇星嘅朋友，sorry呀，呢兩隊係冇上述所講嘅球星嘅！不過從菠菜嘅角度就好值得留意嘞，因為近七場僅得一勝嘅白帽竟然仲讓達拉斯一球，梗係揀讓球客勝啦！

（TVB 301周一清晨5時直播）

FC達拉斯今場有哥倫比亞前鋒法比安卡斯迪路坐波監，更有防中亨特利湯馬士左膝十字韌帶撕裂而收咧，齋睇牌面就梗係比溫哥華白帽輸蝕，不過講狀態就贏白帽幾條街，FC達拉斯近五場聯賽皆能保持不敗，作客表現都唔渣，近五作客不敗，溫哥華白帽要喺主場贏波唔係易事。
衝擊四連敗讓唔起伐木者

另一場美職蒙特利爾衝擊主場迎戰波特蘭伐木者，都係揀客隊嗰邊，因為真係冇理由揀四連敗嘅蒙特利爾衝擊嘛﹗科娜一於熱捧1.53倍嘅讓球客勝，進取啲嘅朋友2.65倍客勝都唔怕追o架！

（周一早上8時開賽，馬會網上文字直播）