日乙快車向日葵翻轉溫泉

猪拉多纳

日乙周中開快車，群馬草津溫泉主場鬥北九州向日葵。北九州向日葵今季作客表現唔比主場遜色，而且佢哋近五次作客群馬草津溫泉未輸過，平手盤捧客軍。

（周三晚6時30分開賽，馬會網上文字直播）

北九州向日葵今季贏咗11場聯賽，有5場係喺作客情況下取得，當中前鋒組合原一樹和池元友樹表現係最大關鍵，兩人今季聯賽加埋入咗11球，當中有7球係喺客場射入，加埋90後小將渡大生3個聯賽入波亦係喺作客時取得，成為球隊往往可以反客為主嘅最大原因。群馬草津溫泉近期表現略嫌飄忽，上場作客山形山神雖然全取3分，但在此之前卻連續3場比賽冇入波。連盃賽在內，群馬草津溫泉過去10次鬥北九州向日葵只得2勝3和5負，單計主場更加連續5次未贏過，擅於作客嘅北九州向日葵今次又係搵食好時機，平手盤捧客隊可坐和望贏。
蜀葵唔赦成功丸

另外兩場推介，磐田山葉聯賽兩連敗，今返主場鬥尾二嘅讚岐卡馬達馬尼有力反彈，但考慮到後者對上3場正式作客比賽未試過半場落後，主隊狀態一般未必可在初段咬得入對手，捧「半場和」。最後水戶蜀葵主場鬥長崎成功丸，上季意外打入前六嘅長崎成功丸今季大跌watt，現時僅排聯賽榜14位，水戶蜀葵連盃賽主場兩連勝，已擺脫早前主場接連輸畀松本山雅、福岡黃蜂陰影，主隊受讓平半捧下盤。

(周三晚6時開賽)