錢會來欲罷不能

不死鸟

前晚谷草夜賽捧韋達的馬友肯定焦頭爛額，此子全晚騎足8場，只得「威馬加鞭」16倍拚入第三，而大熱門之「龍子」、「亞洲橙王」及「龍船旺」相繼倒灶，而此3駒近期均表現出色，但韋達該晚騎來進退失據，演出失準不似一位8屆冠軍騎師風範，令到擁愛佢?Fans大失所望，包括筆者老友「民少」。韋達前晚大失水準，會唔會影響佢喺周日在日本策騎「好利威」參戰安田紀念賽爭標信心，筆者當然希望佢唔會啦！
接踵而來周日編有2泥8草賽事在沙田舉行，連同越洋直播日本安田紀念賽，形成有11場賽事投注，香港代表馬「好利威」及「勝眼光」出征，筆者及全港馬迷當然希望港隊能揚威日本為港爭光，不過日本主隊「伏特加」係上屆此項錦標盟主，港隊要過此匹勁旅一關有難度，希望韋達及柏寶盡己所能，加點幸運之神眷顧，能殺退同場對手摘冠為港爭光，即使爭入前三名亦不負所望。
近期葉楚航馬房當旺，今次初步睇好其?房「錢會來」，此匹優質佳駟，如非體弱影響進度，相信其成就不止於此，還好經過練者悉心料理下，將其健康全面養回，近三戰取得兩冠一季佳績，顯見健康無礙，近期受得操磨屬佳兆，連課拍跳走來勁度十足，態況勇銳勝上回，今次再跑回強項1400米，乘銳勢出擊，有力贏馬添進帳。