羅馬客W米走雞

猪拉多纳

至於較早開波嘅另一場A組賽事，兩支意甲球隊國際米蘭與羅馬喺美國費城林肯金融球場內訌。雙方同樣手握3分，但國米頭兩場均要搞到互射12碼，好似冇乜本錢贏波，有傳該隊出售列卡度艾華利斯、古亞連同甘柏拿路等套現，對士氣唔多唔少有影響。

相反羅馬首仗落後3粒嘅劣勢下最終僅負曼聯1球，上仗贏皇馬清脆利落，「老來嬌」托迪及中場比真歷入晒局。曼聯現時以5分排榜首，羅馬若想躋身決賽，除咗自己今仗要爭氣贏波，仲要望紅魔對皇馬失分，機會睇嚟唔大，但以「雌狼」之前兩仗顯示嘅高昂鬥志，大可乘國米軍心不穩贏多場，客勝值捧。

（有線61及201台周日凌晨1時直播）