利物浦大勇誓斬AC

猪拉多纳

國冠盃B組利物浦對AC米蘭，雖然AC已肯定出局，但呢個經典歐聯戲碼仍然好有睇頭。「紅軍」喺領隊羅渣士帶領下展開復興之路，依家能夠力壓曼城位處榜首，相反近兩仗大敗嘅「紅黑軍團」喺新帥恩沙基領軍下仍需要漫長嘅時間重建。「紅軍」今場贏波即能殺入決賽，講鬥志一定強過AC好多，但「紅軍」防守脆弱，今場捧大更啱數。

（有線61及201台周日早上6時30分直播）

講起利物浦對AC，球迷一定諗起兩軍喺05同07年兩度喺歐聯決賽碰頭，不過呢啲都係陳年往事，兩軍近年變咗褪色勁旅，尤其下季冇得踢歐聯嘅AC情況最嚴重，上兩場對奧林比亞高斯同曼城共失8球，新帥恩沙基勁頭痕，攻防都有排執，重建之路困難重重。好彩科娜嘅愛隊利物浦喺教頭羅渣士領軍下火鳳重生，闊別4季後重返歐聯，但同歐洲勁旅嘅實力仍有距離，尤其佢哋有前冇後嘅踢法令後防長期受壓，令人擔憂，所以今仗建議轉玩大盤。
曼城贏兩粒冇難度

B組另一仗奧林比亞高斯對曼城，「藍月亮」前鋒祖維迪狀態大勇，近兩仗入4球，主帥比歷連尼陸續派耶耶托尼、赫特、占士米拿等主力上陣，實力大增，要贏兩球粒或以上唔係難事，捧讓球客勝！

（有線64及203台周日凌晨3時直播）