確叻迅可望出頭

不死鸟

飲酒每人飲法都有所不同，有部份朋友鍾意「劈酒」，覺得夠豪邁，亦有喜歡細意品嘗，享受箇中樂趣。響一次偶然機會下，同朋友去到深圳福田區附近「購物公園」一間用英文命名「酒吧」，裏面設計獨特，有鋼琴、書櫃，而最特別就係連酒吧位都照五六十年代歐陸風情模仿，置身其中有家庭「feel」多過酒吧「feel」，最適宜三數知己輕斟淺酌，如果「劈酒」客一定唔適合呢種環境。至於收費方面尚算合理，一杯生啤收人仔22元。
「雙辣」上次田草1000米以短馬頭位落敗，輸得無話可說，跟住馬房安排小休再做工夫，今次報爭此程而同組馬強手無多，可以收復前失。「確叻迅」初出時，馬房對此駒評價甚高，但每次陣上演出都係得個近字，到底邊度出咗問題？唔夠運居多，每次都遇到強手，今次小休一段時間再上征途，相信會有較佳演出。