蔡明紹越來越標青

不死鸟

練馬師告東尼至今收?兩位徒弟係徐君禮及蔡明紹，正式來講只係個半，原因徐君禮最先係由練馬師霍利時收為徒，但其後徐君禮有去意之心，而告東尼亦賞識此子，加上有中間人造就，所以後期才正式歸納入練者告東尼成為其徒弟，無可否認此兩位徒弟，在告東尼悉心教導下均成材，徐君禮轉投入告東尼馬房後，短短年半時間已升正為大師傅，但此子後期操行有點問題，現時因尿液有異樣禁出賽，日後能否策騎要等化驗結果及競賽小組研訊後才決定，告仔現時爭取成績，寄望新貴徒兒蔡明紹。
筆者稱蔡明紹為新貴一?都唔誇張，睇回他由上年12月20日出道至今只係半年左右，已勝出37場頭馬，氣勢強勁一時無倆，而且近期睇得到此子騎技越來越標青，就以上周六他策騎霍利時馬房的「好耐力」（下圖）贏馬表現可印證，此駒本身係匹頗考尺寸及留放，而該役更排不利14檔，但蔡明紹由出閘到埋門力抗對手，無論走位及留放處理手法盡顯大將之風，呢役可以將匹難贏?馬取得勝果，相信日後無乜馬可以難到他，此子日後騎功再成熟及老練，繼後必會步其師傅告東尼一樣大紅大紫。